الموقع الرسمي لقبائل ربيعة ورفيدة وبني ثوعة - عرض مشاركة واحدة

07-13-2009, 04:28 AM

مدخل ..}

" أضحك "
وأنا أصلاً من الضيق
.............. مخنوق !
أسمع .. أجامل .. أبتسم رُغم حزني! ..]

*‘*‘*‘*‘*‘*

لاح الفجر ياللـي وعـدك أول الليـل
في طرفي اللي ما سهـر ليـل لـولاك

راح الظلام آمال .. لاح الفجـر ويـل
واستسلمـت لليـاس نفـس ٍ تحـرّاك

فات الوعد.. مات الوعد.. مابقي حيل
إلا عيـونٍ تنظـر هنـآآ وهـنـاك

لاح الفجر وجهـه عصافيـر ونخيـل
يضحك .. وتبكي في يدينـي هدايـاك

يا موعدي ليلـة شتـا والمطـر سيـل
والبرد قاسي.. والدفـا فيـه ذكـراك

فيه انتظاري موت .. لولا المواصيـل
واحترت في موتين .. وصلك وفرقـاك

إن غبت أخاف إن الحزن يطوي الحيل
وان جيت أخاف أموت فرحه بلقيـاك

يهنـاك نومـك وانتظـار يتساهيـل
ياللي الخجل ردّك عن اللـي تمنّـاك

ليت الوفا فارس .. وليت الزمن خيـل
ما كان قلبـي فـي غيابـك تباطـاك

لـولاي احبـك ما عشقتـك غرابيـل
أو صارت عيوبك بعينـي .. مزايـاك

أو جيت لك من دون ترسل مراسيـل
عذرتك.. وقلت العيب واللـوم عـدّاك

حبي لك أكبر مـن وعـد أول الليـل
وإن غبت تكفي عن حضورك .. نواياك

* ‘* ‘* ‘* ‘* ‘*

مخرج ..}
كل يوم أقول
إن الليالي تبي تروق .. ؟
كل يوم أجهّز للمَطَرْ
............جيش مُزني . ! ]