 |  |  |
| | | |
 08-06-2009, 09:15 AM | #321 | |
| مشرفة إطروحات أدبية  
 |  في انتظارك ياسكرة على أحر من الجمر،، وبلاها الفصحى... عامية عامية.. لا تطولين علينا يالغلا | |
  |
| 08-06-2009, 10:35 AM | #322 | |
| عــضـــو مـــــــاسي
|  محد فاهمني غيرك يا احساس هههههههههههه بسم الله الرحمن الرحيم الاسم / ....................... كيان انثى العمر/ 18 سنه مواليد 1412 من مواليد جده اعيش في عائله اللي هما (( ماما ، بابا ، اخواني 2 ، اخواتي 2 ، وانا الــثالثه )) يعني كلنا خمسه اكبرنا ولد وبعده بنت وبعدها ولد وبعده بنت واخر العنقود سكر معقود انــا اعيش مع بابا وماما واخوي الثاني واختي الاولى اما الباقي متزوج وكلن في بيته ،،، اتكلم عن نفسي ،، احب السفر والنت والقراءه ،، بسيطه للابعد حد ،، البعض يقول انه ظلي خفيف ،، عنيده ،، عصبيه جدا ،، انا (( سباعيه )) ماعرف في احد فهم قصدي او لا ،، يعني مولوده في الشهر السابع او بالاحرى لي في السابع 3 ايام والكل اهل ماما او اهل بابا كانو متوقعين اني اتوفى زي خواني اللي قبلي ،، لانو اتوفو قبلي 3 وكلهم نفس الحكايه الولاده قبل موعدها وكان توقعهم اني اكون مثل اللي راحو بس بابا كان عكسهم تمام الحين اقولكم ليش .. اول ماحست ماما بانها على وشك الولاده على طول بابا راح فيها على اقرب مستوصف و ولدت على خير بس الدكتور قال لبابا انه الام بخير بس الطفله لو مادخلتوها الحضانه بشد الــ ضاء راح تتوفى واحنا للاسف المستوصف مو مجهز بمثل هذي الاجهزه ومن الضروري تنقلها على مستشفى خلال ساعتين فــ بابا كان مصمم على اني اعيش واعمامي كانو كلهم يقولون له لاتعب نفسك يامحمد البنت متوفيه متوفيه حالها حال اخوانها اللي قبل وماما نفس الحكايه لكن بابا طلب اسعاف من مستشفى الملك خالد (( الحرس الوطني )) واخذوني على مستشفى الحرس ودخلوني على الحضانه برضو بشد الضاء ،، وجلست فيها شهرين .. انا ولدت وكان وزني 500 جرام وخرجت من الحضانه 700 جرام اعمامي واخوالي وتقريبا كل الاهل كانو يقولون اني كنت مثل الدجاجه صغيييييييره ومانقدر نشيلك كنا نخاف نقرب منك تموتين من مسكتنا لكي ... وطول الشهرين اللي كنت فيها بالحضانه بابا كان يوميا يجيب لي حليب ماما في الصباح وفي المساء يعني مشوارين كل واحد رايح جاي والمستشفى مثل ما انتو عارفين انها بطريق مكه جده وبيتنا في شارع حراء حاليا مدري زمان كان فيه حراء او لا .. والحين اشوف صوري كنت عن جد صغيييره مدري كيف ماما كانت تشيلني وتأكلني وانا بذاك الحجم بعد خروجي من الحضانه ،، واكمل الباقي لكم في الرد الجاي ،، | |
  التعديل الأخير تم بواسطة كيان انثى ; 08-06-2009 الساعة 10:38 AM |
| 08-06-2009, 10:41 AM | #323 | |
| نائب المدير العام وسكرتير رئيس مجلس الإدارة  
| مرحبا الف بك ننتظرك اما الشباب فانا من يغسل شراعهم هنا وافقع البيض | |
| نقدر لكم وجودكم معنا ونثق انكم انتم الاجمل والانقاء والاطهر ونؤكد لكم اننا معكم هنا شركاء في تحقيق النجاح  |
| 08-06-2009, 11:47 AM | #324 | |
| عــضـــو مـــــــاسي
| هلا بك اخوي سليمان ههههههههههه حرام عليك اتركهم اكيد بعد مايفضو راح يرجعون ويشرفونا بالمايك يعني ماما تعبت فيني كثييير اكثر من اخواني واخواتي الكبار وبابا برضو تعب فيني كفايه ذيك المشاوير اللي كان يروحها عشان بس الحليب ،، وانا قد ماشكرتهم ماراح اوفي ولو جزء بسيط من تعبهم فيني ،، وبرضو استحاله انسى دور ابلتي تكفيني الذكرى في تربيتي كنت اغلب الوقت عندها بحكم اني في سن بنتها الكبيره فـ على طول عندها من صغري اقصد من وانا عمري شهور واحب اقدملها شكري رغم انه مايوفي حقها ،، اللي سماني جدي الله يرحمه وانا اكون اول واخر وحده جدي يسميها من احفاده ،، وانبسطت لمن بابا قالي دا الشي ،، صح اني في البدايه كنت مدلعه بس وقت صار عمري 11 سنه بابا بطل يدلعني بحكم اني كبرت ولازم يعاملني معاملة بنت كبيره ومو كل شي ابغاه راح وجابه ليا ،، وكثييير يستغربو لمن اقولهم يا ناس صح انا اخر العنقود بس مو مدلعه زي البنات اللي من جد يكونو اخر العنقود اسم على مسمى يعني في مره كنت ازن على بابا ابغى للاب توب كان يقولي طيب يسكتني لين عدت 5 شهور طلعت روحي وانا اقوله يقولي انا ماراح اجبلك شي تبغيه روحي جمعي مصروفك واشتريه وفعلا جمعت مصروفي وكنت احرم نفسي من الخروج في وسط الشهر عشان اجمع مصروفي لين اكتمل المبلغ واشتريته الحمدلله،، ونفس الحكايه اي شي يكون نفسي فيه اجمع واشتريه يعني بصراحه ما اتذكر بابا اشترالي شي قلتله ابغاه غير الالعاب تبع الاطفال وقت كنت صغيره ،، بس انا مبسوطه من دا التصرف من بابا يعني يعلمنا انه مو كل ماقلنا شي جى لحدنا لازم نتعب للوصول للي نبغاه ،، علشان نكون امهات للمستقبل ونقدر نعتمد على نفسنا بأي شي مو كل ما احتجنا حاجه رحنا وطلبانها لانو البنت في بيت اهلها مو مثلها في بيت زوجها ،، كبرت الحمدلله ودخلت الروضه قسم kg3 والغريب او اللي اخواتي مستغريبينه اني الى الان اتذكر اسم معلمتي في التمهيدي واتذكر شكلها وكمان اسماء اللي كانو معايا بالصف 5 اسماء تقريبا لكن الحمدلله طلع عندي ذاكره قويه <<<< اللي يسمعني يقول عمرها 60 سنه مشو حالكم حالكم يمشي على قول احساس ،، وبعدها دخلت المدرسه الابتدائيه وكانت مرحله جدا هادئه مافيها شي يُذكر بس ممكن في شي ،، كانت جارتنا معلمه في المدرسه وماما قالت ندخلها هذي المدرسه اضمن وعدت اول سنتين تمام بس سنه ثالثه ابتدائي حصل معايا شي غريب وهو اني فجأه ما ابغى اروح المدرسه وابكي وابكي اترجى ماما اني ما اروح وكنت لمن ادخل المدرسه ما ادخل الفصل اجلس برا وكانو المعلمات وماما كلهم يحاولو فيني وانا ابدا ما ادخل وكنت ابكي من قلبي وقت يغصبوني ويدخلوني الفصل بعد مروري اسبوعين تقريبا ماما قالت لبابا البنت فيها شي مو طبيعي المهم ودوني عند شيخ وقري عليا وقال انها عين والحمدلله مع المويه المقريه والقرأن راحت عني العين ورجعت للمدرسه وكملت 4 سنوات طبيعي وبعدها انتقلت للمرحله المتوسطه وكانت من اجمل المراحل انبسطت فيها كثير وما اتذكر انه في مواقف تستاهل الذكر وبعدها على المرحله الثانويه وكانت اكثر من روعه ،، سنه اولى ثانوي كانت من اسوأ السنوات اللي في الثانويه سواء من صحبات او معلمات او منهج ا واو او أي شي في مره في سنه اولى ثانوي كان فيه بنات من فصلنا يطالعو من الشباك وكذا مره الابله بتحذرهم المهم في مره وصل الموضوع للمديره ومعروف انه فتح الشباك في الفصل ممنوع خصوصا انه مدرستنا كانت مبنى فيلا في وسط الحاره يعني الشبابيك بتطل على بيوت ثانيه ونادت اسماء البنات اللي وصلتها وانا اتفاجأت انه اسمي معاهم وانا ماسويت شي لكني انظلمت لاني من البنات اللي جالسين نهاية الفصل أي عند الشباك واتهزءو و وصل للضرب كنا واقفين ورا بعض تقريبا 6 بنات وفي الساحه قدام كل المعلمات وكل الطالبات كانت المديره ماسكه مسطره خشب كبيره 100 سم وسميكه كانت تضرب باطن اليد اكثر من ضربه ليه ماتنكسر المسطره في اليد واليد الثانيه نفس الحكايه كانت جايبه 12 مسطره على كل يد مسطره وانا ابكي واحلف اني مظلومه وهذيك يا اذن ماتسمعي ،،، وكنت مره مقهوره والى الان مقهوره منها وخاطري اخذ حقي منها لكن هيهات لانها اساسا خرجت من المدرسه واتأهلت لوظيفة موجهه في الرئاسه العامه ،، وبعدها سنه ثانيه كانت روعه بمعنى الكلمه وسنه ثالثه عاد هذي اخر سنه سنة التخرج كانت جنااااااان بس اخرها زعلنا على فراق بعض ،، بس الحمدلله بنلتقي بين فتره والثانيه ،، وكنا نسافر بين صيف والثاني اخر سفره كانت قبل 3 سنوات انبسطنا مررره فيها جلسنا شهرين تقريبا حصلي موقف ما اعتقد اني اقدر انساه ،، كنا في الفندق والكل خلاص تعبان ودخلو نامو بقينا انا واختي الكبيره مافينا نوم وبصراحه كنا جيعانين ومافي شي يتاكل غير ساندويتشات بالجبنه واحنا مانبغى كان خاطرنا بشاورما وكنا نعرف محل يبيع شاورما على كيف كيفكم وهذا المحل في منطقه اسمها stret 3 ومعروفه بالخليجين اغلب اللي فيها من الخليج سواء سعوديه او كويت او امارات او بحرين او قطر ...... غامرنا وخرجنا من الفندق واخذنا الكرت معانا تبع باب الغرفه واحنا العاده نتركه تحت في الريسبشن بس للاسف ماكان فيه احد البنت اللي كانت مناوبه ماكانت موجوده ممكن كانت مشغوله بش اخذناه معانا وخرجنا على الشارع العام وركبنا تاكسي وقلناله على المنطقه و وصلنا نزلنا ورحنا سيدا على محل الشاورما وطلبنا وجلسنا نستنا الطلب لانه المحل كان زحمممممه وخلص ودفعنا وخرجنا وؤكبنا التاكسي وقلناله على الفندق و وصلنا وطلعنا وقفنا قدام الباب وادور في جيبي على الكرت مو موجود واختي تدور برضه مو موجود هنا هنا هنا مو موجود قلت شكله طاح في التاكسي او في المحل ،،، واتورطنا لو جينا ندق على غرفة ماما وبابا عشان هم يفتحون لنا باب غرفتنا لانها غرف مفتوحه على بعض يفصل بينهم باب راحو يسالونا وين كنتو قلتلها امشي ننزل ونكلم البنت المناوبه ممكن ترضى تعطينا كرت يفتحلنا الباب ونزلنا والبنت للاسف الشديد ياغافل لكم الله ماتعرف تتكلم انجليزي واحنا ما معانا غيره مانعرف نتكلم تايلندي وصرنا نتكلم معاها بالاشاره بالزوووور حتى فهمت واعطتنا كرت ودخلنا الغرفه وشكرناها ودخلناا اخذنا نفس عمييييييييييق جدا واكلنا الحمدلله وعدت الليله على خير وثاني يوم خرجنا مع بعض وبابا وقف عند الريسبشن واعطي البنت الكرت وسألنا قلنا لامايحتاج خليه معانا <<< مايدري انه ضاع وخرجنا ولمن رجعنا بالليل اللي كانت موجوده البنت حقت امس تذكرتوها صح ،،، طلب منها بابا الكرت وسالت عننا وسارت تتكلم مع بابا بالتايلندي واظنها فرطت لبابا كل السبحه بابا ضحك وطلعنا وانا اقول للاختي الله يستر شكله ابوكي ماراح يعديها وطلعنا وبابا هزئنا لين ماقال ياساتر ،،،، واكيد انتو بتقولو حرمتو تعيدوها لكن هيهات عدناها وكل مره نتهزء المره اللي بعدها نقوى خخخخخخخخخخخ ،،، الى اللقاء في الرد القادم | |
| التعديل الأخير تم بواسطة كيان انثى ; 08-06-2009 الساعة 12:28 PM |
| 08-06-2009, 12:17 PM | #325 | |
| عــضـــو مـــــــاسي
| طبعا انا طموحي الحين اني بعد ما اخلص من السنه التحضيريه بالجامعه ادخل قسم علوم بس طبعا اذا جبت معدل كويس وحولت انتظام ،، بس دام اني ابغى الشي دا ياااارب اجيب دا المعدل دعواتكم بس من الحين ابدأو ادعو لين وقت الاختبارات ،،، ههههههههه وعلى فكره شي ماتعرفوه عني انا عشقي المطبخ احب شي اسمه ادخلي ياكيان المطبخ وسويلنا اكل ،،، بس هذا مايعني اني ما اعصب عليهم وقت ياخذو فيس بزياده ،، في فتره كانت على ما اظن شهرين او اكثر كنت اعاني من الم في بطني وكنت دايما اخذ مهدئات ومره رحت قلت لماما قالتلي لكي كم قلتلها تقريبا شهرين وشي قالت خلاص نروح ونشوف وش عندك ورحنا المستشفى وطلبو مننا تحاليل وسويتها وطلعت نتيجة التحاليل قولون عصبي مزمن واسبابه العصبيه الزايده وقالي حاولي انك تبعدي عن الانفعالات وممنوع اكل الشيبسات والدهون والفلفل لكن انا اقوله طيب وادخل من اذن واخرج من الثانيه مستحيل اعيش من غير شيبسات وشطه ،،، لكن نقول الحمدلله حالنا احسن من حال غيرنا واهو كل ماثار عليا اخذ مهدئات او اذا مره ماقدرت اتحمل الالم والمهدئ ماسوا شي اروح اقرب مستوصف واخذ ابره ،، وبرضو في مره حصلي موقف مره ضحكني ،، رحت لعيادة جلديه بكشف على كانت عندي حبوب المهم رحت وبرضو طلب مني تحليل دم وسويته واخذنا التحاليل وطلعت اكزيما وكتبلي العلاج ورحت عشان اصرف العلاج والصيدلي طلب مني اوراق التحاليل عطيته اياه وجلس يشرحلي ايش فيه في التحليل وانا ياغافل لكم الله مو فاهمه شي من الرموز اللي يقولها شي واحد لفت انتباهي لمن قالي نسبة الكريات الدم البيضاء عندك عاليه المهم اعطاني العلاج وخرجت وانا فرحانه علشان عندي كريات دم بيضاء نسبتها عاليه رجعت البيت وكان الوضع عادي وبعدها بفتره كنت مره حراااانه قمت و وقفت قدام المكيف وماما تقوي يابنت انزلي مش كويس بعدين تاخذي برد وانا اقولها يا ماما انا عندي كريات دم بيضاء كثير يعني مناعتي مش زي مناعتكم انا مناعتي قويه وهي تقولي طيب طيب خليكي مع كرياتك وقامت عني وقبل فتره تقريبا قبل 3 اسابيع كانت عندي انفلونزا وكنت مرررره تعبانه ويومتها ماما كانت تضحك وانا اقولها ماما ليش تضحكي ايش حصل قامت تقولي ها نفعتك الحين كرياتك ،،،، انا خلااااااااص مت على نفسي من الضحك ،، وبس هذا هو الموقف ،،،، انا خلاص كدا انتهيت اللي حابب يسأل يتفضل ،،، | |
| |
| 08-06-2009, 02:16 PM | #326 | |
| عــضـــو مـــــــاسي 
| كيان انثى اولاً بارك الله فيك واسائل الله ان يخلي لك والديك من العرض للحياهـ الحلوهـ ان شالله استمتعة بقرائتها ووجد فيها من بعض المواقف والتي حصلت معي لاحد البنات اول مادخلت المدرسه عام 1412 كان كل صباح عند باب المدرسه ابويه تجي تاخذني الساعة 9 وعلى هذالمنوال اكثر من شهر ونصف واقل تم رغم ان عندها 2 من خواتها معها بالمدرسة ولاكن الحمدلله الامور سلكة اسف ادخلت موضوع في موضوع على العموم لي عدة اسائله انشالله لك بس بعد ماياخذون الاخوان والاخوات نصيبهم من الاسائله وتمتعيهم بالاجوبه على الشورما والكريات البيضاء والمسطره 100 سم والبكاء من الحضور بالمدرسه وكرت الفندق بعد العودهـ لك ولموضوعك ان شالله | |
   |
| 08-06-2009, 05:52 PM | #327 | |
| عــضـــو مـــــــاسي
| اهلين ابو رياض خذ راحتك يالغالي ،، في انتظارك انت وباقي الاعضاء,, ومشكوووور على المداخله ابنتك ،، كيان | |
| |
| 08-06-2009, 08:33 PM | #328 | |
| مشرف المنتدى الرياضي طول عمرك كبير ياعميد
| سررت جداً بقرآة سيرتك ياكيان فيها مواقف حلوة الصراحة لنا عودة بالأسئلة | |
 |
 |
| أدوات الموضوع | |
| اسلوب عرض الموضوع | |
|
|
 |  |
العرض العادي
